如果你係資深AV迷，對小澤瑪利亞（小澤マリア）應該唔會陌生，呢位混血靚女，於2005年一出道就成為AV界天后，並於2010年引退。早前佢接受日本電視節目訪問，公開現時定居菲律賓，並開咗多間酒吧成為老闆，不過收入比起做AV女優最高峰時期縮咗水30倍，真係有苦自己知！
父親係加拿大人、母親係日本人嘅小澤瑪利亞，帶有鬼妹味道嘅外貌令佢輕易成為AV迷焦點，當年佢不但AV作品超好賣，更試過嚟香港做宣傳活動，風頭一時無兩。咁引退後生活如何呢？早前佢接受日本電視節目訪問時表示，原來佢已經離開原先嘅事務所T-Powers，亦無喺風俗店返工，現時定居於菲律賓，開咗多間酒吧做老闆。咁收入如何呢？佢表示以前喺AV界，最高峰時月入約600萬日圓（約HK$42萬），恨死唔少香港打工仔，而佢喺菲律賓開酒吧，雖然係老闆，但由於菲律賓生活指數較低，所以月入只有約20萬日圓（約HK$14,000），收入縮水30倍！但佢表示喺菲律賓生活簡樸，好滿意目前嘅情況。身為粉絲，希望佢嘅酒吧無受疫情影響，可以幸福地繼續生活喇。
煲劇係唔少人嘅興趣，呢排美劇《獵魔士》（The Witcher）就有好多人追睇，故事設定係西歐古裝路線，並加入魔法、妖怪同咒語等元素。而早前就有位俄羅斯靚女Cosplayer Disharmonica演繹劇中嘅人氣女角奇莉（Ciri)，仲Show咗一招高難度嘅雙峰夾劍Pose！《獵》剛剛播出第一季，而Disharmonica演繹嘅奇莉喺故事中屬重要角色，本來貴為女王嘅孫女生活無憂，點知國家被敵國侵略，搞到成為被追捕嘅頭號對象，間中會見到幻象，暗示身世有不可告人嘅秘密。Disharmonica演繹奇莉時，就一反劇中嘅西歐風格，換上低胸性感嘅日式和服，加埋一把東洋刀，散發出另類異國情調，加上佢嘅上圍夠晒豐滿，相片放上網後，唔少粉絲都大讚佢比劇中嘅奇莉更性惑吸引呢！
講到由Cosplayer轉戰寫真界，而又成功出位嘅例子，桃月梨子（桃月なしこ）可以話係當中表表者。出道時以現職美女護士Cosplayer為賣點，成功喺網上引起話題，之後轉戰寫真界，其甜美笑容同豐滿身材迷倒一眾宅男，並經常上雜誌封面。最近佢更開始參與電視廣告同舞台劇，而最新動向係演出電視劇集《牙狼GARO -VERSUS ROAD》。如果你有留意大人向嘅特攝作品，對《牙狼》應該唔會陌生，於2005年起首播，因大受歡迎而推出電視續集同電影版。而桃月梨子有份演出嘅《牙狼GARO -VERSUS ROAD》將喺4月播放。官方表示，今次嘅故事同世界觀係完全獨立於以前嘅牙狼系列，而且加入咗好多科技元素。但係阿妹記得唔好忽略寫真界，畀一眾粉絲繼續欣賞你嘅身材呀！
撰文：Angus