新冠肺炎疫情肆虐，色情界如何自救？其實都係No Plan，最直接有效方法就係派口罩。好似美國大型脫衣舞場Deja Vu旗下一間叫Tampa Strip Club，最近就宣布免費贈送10,000個口罩。但網民卻對此舉彈多過讚，大部分人認為佢年中賺咁多，區區嗰1萬個口罩濕濕碎，似做騷攞光環多啲。仲有小道消息爆料指佢堅持每晚繼續營業，因此口罩只派畀入場客人，其他人想攞都好難喎！但最慘都係班Showgirls，除咗唔可以戴住口罩跳舞，為攞貼士，仲要主動貼近客人博打賞，假如怕中招就手停口停，今鋪真係做又死唔做仲死快啲呀！