提起AV女優出書，唔少人都先入為主，以為係香艷無比嘅寫真集吧！但其實出版過文字書嘅AV女優亦唔少，而即將於3月31日，有位超重量級嘅經典女優將會推出個人自傳——呢位就係風靡世界各地AV粉絲、縱橫AV界達16年之久嘅吉澤明步！作為粉絲當然想先睹為快，透過文字感受佢嘅內心世界喇。
就算你唔係AV迷，應該都聽過吉澤明步呢個大名吧！佢於1984年喺東京出生，在2003年作AV出道後，憑住標致樣貌及誘人身材火速走紅，厲害嘅係，佢唔似一般AV女優般「壽命」短暫，直至上年3月引退時依然係業界嘅人氣女星，紅咗足足16年！期間拍過351部AV作品、出版過10本寫真集，都係AV女優數一數二嘅紀錄。此外，吉澤亦活躍於藝能界，經常於綜藝節目中登場，佢曾經加入嘅偶像組合惠比壽麝香葡萄亦成為了一時佳話。引退後，吉澤繼續進行多方面嘅活動，當中包括寫專欄，而經過咗一年時間沉澱，佢更推出自傳《單體女優獻給AV的16年》（単体女優 AVに捧げた16年），總結自己16年來嘅心路歷程。佢喺書中嘅序言話好慶幸做過AV女優，並話如果讀者藉着自己16年認真從事性愛嘅故事，再重新思考自己嘅性愛，會覺得無比幸福！作為粉絲，當然希望呢本書快啲出中文版喇。
呢期睇新聞，幾乎清一色講世界各地新冠肺炎疫情進展，而日本正係受影響嘅國家之一。為防止疫情進一步擴散，不少活動都相繼暫停，而好多AV女優嘅簽名會亦被中止或延期。不過，AV迷唔使失望，事關人氣AV生產商SOD推出網上簽名會幫大家解渴！話說一般AV女優簽名會喺AV銷售店舖舉行，有女優現身為購買DVD嘅顧客簽名留念。而SOD嘅網上簽名會，只要你幫襯該公司嘅銷售網站購買DVD就可以登記參加，屆時喺網絡直播平台TwitCasting就會有女優簽名直播，而登場女優會一邊簽名、一邊回答粉絲預先填寫嘅問題，感覺相當互動，歷時大約2小時。而簽名相片就會送到粉絲府上。有意思嘅係，就算你無買DVD，亦一樣可以上網睇埋一份。而3月頭SOD便為專屬女優古川伊織舉行了一場網上簽名會，佢親身體驗後相信呢個形式會好快吸引需求，更話同大班粉絲一齊傾偈好開心添。
疫情期間，大家無必要都唔想出街，自然影響經濟環境，早前政府統計處公布失業率達3.7%，創下9年新高！不過面對疫症，亦有小部分行業異常興旺，例如口罩同消毒液就賣到斷晒市，不過意想唔到嘅係，就連情趣用品亦受惠！德國嘅情趣玩具生產商Womanizer啱啱便公布今年頭兩個月喺國際市場嘅銷售，竟然超過咗預期嘅50%，當中又以意大利、香港、美國、加拿大及日本嘅需求特別旺盛！據該品牌嘅發言人所講，開頭諗住疫症擴散會影響生意，所以得知銷售不跌反升感到相當驚訝！而佢推測箇中原因，係因為疫情令到大家要長期被迫留喺屋企，所以會盡可能摸索令自己感到最爽嘅生活方式。識得趁疫情做生意嘅仲有全球最大鹹片網站Pornhub，該網站即日起至4月3日特別為疫情較嚴重嘅意大利提供免費登記成為會員服務，除咗為留喺屋企嘅成年朋友解悶，亦係絕佳嘅宣傳良機呢！
撰文：Chiu