返工好受氣，或者覺得份工賺得少無前途嘅女士們，有冇諗過轉工呢？假若自問樣靚身材正，想利用天賦本錢名成利就嘅話，其實做AV女優都係其中一個「值博」嘅途徑！想入行但唔知門路？AV廠商SOD Create最近喺網站開發咗個遊戲，只要幾下工夫，即時知道自己做AV女優嘅「錢途」如何，大家有冇興趣試試？
AV廠商要發掘高質新人，印象中手法都係透過星探喺街邊進行遊說，但畢竟家陣已經係高科技年代，當然要與時並進，多加利用網絡呢個途徑喇。啱啱SOD Create就有新招，於網站推出咗一個名為Wakuwaku ! Sexy Checker嘅免費網上遊戲。咁究竟玩啲乜呢？話說當一日AV女優，人工可以由數萬至數百萬日圓不等，女性玩家（18歲以下及高校生均不能參與）可以將自己嘅個人照片上載到網站，便有AI智能系統推斷出如果你做AV女優嘅話，可以值幾多錢人工！之後網站亦會將你個樣Key落AV女優個身上，炮製多張美艷照片，等你見識一下自己充滿AV味道嘅魅力。咪以為玩完就算，假如你對價碼心動，網站更「親切地」有連結畀你可以連繫公司見工，絕對係一條龍服務。話時話，唔知幾時有招募男優嘅測試網站推出呢？
網址：http://sexycheck.info
J杯同蕎杯麵可以扯上關係？話說4月份係日本學校開學、制訂預算及畢業生入職企業嘅月份，所以3月例牌有唔少人搬屋，開始過一個人獨居嘅生活。而當地著名J杯生產商TENGA，為咗幫一眾有新開始嘅男士打打氣，每逢3月都會特別推出名為PREMIUM FRESHERS CUP嘅J杯，基本上用料結構同旗下最高品質嘅J杯PREMIUM TENGA一模一樣，但包裝上卻特別印有打氣字句，售價亦比PREMIUM TENGA平100日圓（售750日圓），確係相當有心思同誠意。今年PREMIUM FRESHERS CUP亦一如以往於3月至5月尾登場，而且誠意更有增無減，只要讀取貼於J杯上嘅QR Code貼紙，並於申請網頁填上資料，便可進行抽獎，中獎嘅朋友可獲得TENGA三色蕎麥麵3包（每包有3紮麵，獲獎人數係300名）。TENGA話呢款禮品最啱用嚟送畀新鄰居作見面禮，但弊在包蕎麥麵上印有大大隻TENGA字樣，慌死人唔知包麵係J杯贈品囉！
日本玩Cosplay嘅女生多不勝數，有名氣嘅為數亦唔少，但講到巴閉，伊織萌喺Cosplay界應該算係數一數二，佢喺日本已成功投身水着界及電台主持行列，而且喺外國亦甚具人氣，於海外舉辦嘅活動粉絲人數達千人規模，Twitter跟隨人數達64.7萬人，被喻為「由日本出發、世界最強活躍嘅Cosplayer」！而啱啱伊織有新搞作，Cosplay漫畫《重生的貓騎士與精靈娘的日常》角色精靈娘嘅造型，並為漫畫雜誌《Young Animal》拍攝封面及彩頁！而搵伊織嚟Cosplay精靈娘可謂最適合不過，佢嘅外形除了萌味十足外，更擁有一對分量十足嘅咪咪，而伊織本身亦以豪乳見稱，經過一番悉心打扮及服裝配搭，輕易將精靈娘嘅一份嬌俏及性感顯露出來，再襯上一身白皙嘅膚色，養眼程度爆燈！無論《重》嘅讀者，抑或伊織嘅粉絲，都值得買書支持！
撰文：Chiu