通常飲醉酒嘅人會話自己冇醉，犯錯事嘅人亦唔會承認自己做錯，而花咲莉亞呢位日本寫真界新紮美人兒，喺初次上電視節目嘅時候，竟然話自己係問題兒童，到底佢真係有問題，定係特登要製造話題呢？
日本寫真界真係唔到你唔服，因為有好多索女唔單止生得高大，同時相當靚女，心口仲掛住對絕世好波，例如片山萌美及護亞津沙就係最佳例子。至於生得身材嬌小嘅女優亦一樣令人佩服到五體投地，就好似寫真界新人花咲莉亞咁，身高唔夠5呎，胴體纖巧得嚟又唔會骨瘦嶙峋，骨肉比例剛剛好，加埋對發育良好嘅D奶就顯得更有睇頭。
仲有，由於莉亞今年先得22歲，青春嫩口，肌膚亦相當白滑，令胴體又再添幾分吸引力。提到吸引力，莉亞可愛又精靈嘅面孔本身已經嗒得杯落，加上佢成日都展露出天真無邪氣嘅甜美笑容，真係人見人愛，車見車載呀！
唔知大家記唔記得，早前本欄為大家介紹過一位新紮寫真妹叫做西原愛夏，阿妹嘅特別之處除咗大波，仲係一位全職齒科助護，事有湊巧，莉亞亦係一位齒科助護，唔通喺日本做呢行唔好搵，搞到咁多女仔要兼職拍寫真？點都好，作為觀眾當然認為多多靚女出道都唔夠啦！
除咗齒科助護身份，亦有唔少人知道佢係一個「問題兒」。話說早前莉亞上咗個叫做《OUT×DELUXE》嘅電視節目做嘉賓，當佢自我介紹嘅時候，就自稱為「寫真界之問題兒」，事後先發覺自己其實係想表達自己調皮鬼馬，但卻講錯說話，仲猛咁諗自己到底喺行為上有咩大問題。之不過諗嚟都冇用，因為自此之後「問題兒」就成為莉亞嘅外號喇！
簡介：花咲莉亞經常都會自拍表演片段，並上載到社交網同大家分享，想睇吓佢有咩新奇又搞鬼嘅表演，就要Click入去睇睇喇！
網址：https://twitter.com/h_rea_0503
年齡：22歲
身高：4呎11吋
三圍：32D-21-32
撰文：賢