過大橋唔怕暈船浪

以前未開通大橋，喺北風天過澳門嘅話，相信唔少玩家都有過咁嘅體驗，就係因為海上風浪特別大，搞到隻船勁拋同航程變長，我就曾經試過因為太大浪，搞到本嚟一個鐘左右嘅船程，最終用咗差唔多兩個鐘。除咗因為畀浪拋到個胃唔舒服外，船上因為唔少人暈浪，嘔吐聲此起彼落，搞到過大海好似受苦咁，真係難頂。家陣大橋開通咗，雖然路程需時未必一定短咗，但唔使受暈浪之苦，真係舒服咗好多。