點先稱得上係AV高手？我認為係睇片時會深入到發現一啲普通AV迷忽略嘅嘢，或擁有豐富嘅相關知識。好似日本最近就有AV迷發現，於AV中出現嘅煮食爐，竟然係絕版貨色，並引起廣乏談論！亦有一套AV喺日本原來被視為神作，如果你知道呢套片叫乜名，就真係稱得上高手喇！
睇AV為咗睇乜嘢？無非係女優身材同啪啪啪嘅演出，之但係日本有位AV迷嘅焦點，卻落喺片中出現嘅煮食爐上。日本AV迷兼煮食爐迷kebiyama早前睇咗KMP製作、辻井穗香（辻井ほのか）演出嘅新作《H罩杯超美人妻與濃厚不倫》後，就喺網上留言指片中出現嘅National（業務於2009年被整合到Panasonic旗下）品牌煮食爐現已極罕見。雖然呢番話被日本網民笑佢錯晒重點，但卻引起AV男優清水健留意，仲上載咗張佢啱啱喺AV演出場地見到嘅煮食爐相向對方查詢。kebiyama回覆指該煮食爐相當古老，仲建議可用另一個牌子嘅煮食爐進行更換，而清水健更承諾以後見到稀有嘅煮食爐時會同kebiyama分享。最估唔到係辻井穗香睇到呢段對話後笑稱：「比起煮食爐拜託睇吓我好嗎！」仲話：「我會努力變得比煮食爐更性感。」就連KMP嘅導演都喺網上留言，表示以後喺拍攝AV時多啲畀煮食爐入鏡。
《廣東五虎之鐵拳無敵孫中山》、《生化壽屍》等呢類電影雖然未必人人睇過，但一講起好多人都會知，原來同樣情況亦會發生喺AV上。日本綜藝節目《月曜夜未央》（月曜から夜ふかし）早前進行街訪，問途人喺過去一年內有乜嘢印象深刻嘅事，當中有位女途人表示被邀請做AV女優，主持追問佢喺睇過嘅AV中，覺得邊套最有趣，佢就話係一套「蕎麥麵製作AV」（そば打ちAV）。主持人當時話自己都唔知套AV係乜，點知網民嘅反應卻相當大，因為唔少人稱只要係AV迷都一定記得呢套作品，而「蕎麥麵製作AV」更成為網上熱搜詞。原來女途人口中嘅AV，係AV片廠Madonna喺2011年3月推出嘅《職人與人妻～日本引以為傲的傳統性技～》，主演女優平山薰喺片中被綑綁，而佢身邊則有個蕎麥麵師傅喺度擀麵，就係憑住呢幕極古怪嘅場面，令作品喺日本AV民間有極高人氣。
以前對女性嚟講，最吸引佢哋嘅男性職業應該係「三師」，即係醫師、律師同會計師，之但係如果問英國女士，冇吸引力到唔想同佢啪啪啪嘅男性職業係乜嘢，大家又估唔估到呢？英國網上博彩平台PlayOJO早前對此進行調查，並搵出12個喺英國女士眼中，最冇性吸引力嘅男性工種，而從第12名倒數到第2名，分別係會計師、屠場工人、動物標本製作員、害蟲控制員、交通督導員、執達吏、魚販、政客、垃圾清理工人、仵作及清潔工人。至於排名第一，被34%受訪者認為最冇性誘力嘅就係污水處理工作。問到箇中原因，好多女士都表示總覺得佢哋喺工作環境中所沾染嘅氣味太難聞。而PlayOJO為咗幫呢12個行業平反，證明其實佢哋都相當有男人魅力，會計劃為佢哋推出型男月曆，以改變英女對佢哋嘅誤解。
撰文：魂