除非係因為有皮膚病或特殊嘅原因，否則經常周身𢱑真係幾有礙觀瞻，好似呢位女網友咁就因此嬲到喺網上勁數，究竟發生乜嘢事呢？佢話：「我姊妹旱咗10幾年，終於識咗個男朋友，對方大佢兩歲，四十出頭，外表斯斯文文，但嗰晚我哋三個人食飯時，我就發覺佢有啲唔對路，佢望住我時，隻手喺枱底下面猛𢱑，我自問樣子同身材都冇姊妹咁正，但都唔算差，不過我有老公同仔女，佢咁做係乜嘢意思？而我姊妹就冇發現唔妥。之後趁姊妹去洗手間，我鼓起勇氣同男方講：『做男人要專一，你知唔知呀？』佢一臉愕然，跟住邊笑邊點頭，嗰刻我好懷疑佢係變態佬。返到屋企打電話畀姊妹，問佢男友係咪有皮膚敏感，佢不但話冇，仲話唔覺男友有問題，又叫我唔好怪佢。唉，愛情真係令人盲目呀！」