日本寫真界新人輩出，不過到底邊一個會跑出呢？除咗要睇佢哋嘅樣貌同身材外，仲要睇埋有冇受到力捧喇！至於點樣知道位新人受到力捧呢？當然係睇吓佢有冇出實體寫真集，亦要睇吓去邊到拍攝，好似山田南實咁就一定係備受力捧喇！
南實今年18歲，青春嫩口，五官標致且明眸精靈水汪汪，加上笑容甜美又夠純真，故被形容為「可愛感最強」！除咗拍寫真，南實亦係一位歌手，現時以女子組合Pimm's成員嘅身份發展。最近南實推出首本寫真集《みなみと》，而且獲豐富資金製作，遠赴美國洛杉磯取景拍攝。雖然去到陌生環境，但係活潑可愛嘅南實一啲都未驚過，反而以強烈嘅好奇心喺當地城市中不斷探索，仲玩得相當高興。見到當地郊區嘅壯麗風光，南實嘅心情除咗歎為觀止，仲感受到世界之偉大，令佢心情興奮又奔放，換上性感比堅尼寓意自己身心都得以釋放！