對現代人嚟講，婚姻嘅模式離不開拍拖、結婚、生仔、湊仔……而兩夫婦間則要擔心出軌、包二奶、真愛、尊重等嘅問題。不過美國社會學教授茱蒂絲‧斯泰西就有個疑問：「婚姻係咪得呢種模式？」於是便寫咗《解套：愛情、婚姻與家庭價值，西好萊塢到中國西部》著作。作者先從美國洛杉磯出發，探訪當地嘅幾個同性家庭，探究佢哋對婚姻嘅忠誠及養育下一代嘅睇法，再去到南非探究當地合法嘅多偶制，並睇吓對當地女性嘅生活同價值觀帶嚟乜嘢影響，最後佢去到中國雲南瀘沽湖畔摩梭人村莊，揭開當地流傳千年嘅母系家庭體制，村內嘅摩梭男女只要情投意合就可以啪啪啪，事後毋須肩負養兒育女責任。作者希望從三個地方嘅婚姻文化，等大家明白呢個世界其實存在家庭多樣性。