師傅工呢樣嘢老司機一定識，即係按手、按腳、採耳、擦背等，雖然要加錢，但如果師傅好技術嘅話，真係舒服到震！不過正因為要加錢，同埋香港以前有啲場求其搵個師傅嚟做，結果好多客人都覺得唔掂，所以漸漸就冇晒。
我就識得一個朋友去桑拿只係為咗個師傅工，雖然有啲買櫝還珠，但證明師傅工嘅魅力。正因為鍾意師傅工嗰種體驗，所以難得澳門嘅桑拿場仲有呢種服務，梗係要捧場。如果想慳番啲師傅工錢，又想體驗呢種服務又點做好呢？好簡單，喺碼頭買套票就得。不過有人去到澳門先至決定，上到去又（R）經理免師傅工錢，其實呢樣嘢就唔係咁啱，因為畀你人情，唔畀你係道理，呢啲嘢大家應該要明囉！