日本民間有個講法，就係唱歌唱得好嘅人，床上表現同樣出色，之但係有調查卻發現事實剛好相反！不過講到床上良伴，對某啲男士嚟講情趣娃娃可能係一個好選擇，之但係如果個娃娃外形竟係外星人咁款，大家又有冇性趣呢？
每到年底日本就有唔少年終派對，亦即所謂「忘年會」舉行，而當中的指定娛樂，就係唱歌。日本有個坊間傳言，就係唔識唱歌嘅人性愛表現同樣差。為咗證實呢個講法成唔成立，日本有雜誌就訪問咗53名喺銀座、六本木同歌舞伎町上班，同時又閱男無數嘅陪酒女郎。結果竟相當出人意表，皆因喺53人中有44人指唱歌勁嘅男士性愛表現都唔掂。不過所謂唔掂並非指快槍手，而係指佢哋往往忽略另一半嘅感受，只係識一味蠻幹。雜誌為咗證實陪酒女郎係咪亂噏，於是問咗位唱歌唔錯嘅男性專業摔角手，而對方竟然肯定陪酒女郎嘅講法。有大腦研究專家解釋，擅長唱歌男性大腦內專門控制情緒嘅杏仁核，會將其他人嘅情緒反應排除在外，結果便出現喺啪啪啪時，唔理其他人反應嘅情況。
雖然當下嘅主流情趣娃娃（Sex Doll）愈嚟愈有真實感，但亦不乏一啲既逼真但又古怪嘅另類選擇。有情趣娃娃供應商早前發布咗三款將於未來十年推出嘅產品，分別係以電影《阿凡達》女主角Neytiri為靈感嘅藍色外星女郎、胸前三盞車頭燈嘅Venus，同埋擁有語音功能嘅超真實感（Hyper-realism）情趣娃娃。語音功能嘅情趣娃娃雖然係意料之內嘅發展，但藍色外星人同三盞燈女郎係乜解究呢？英國情趣娃娃供應商Silicone Lovers表示科幻題材嘅女角色有佢本身嘅吸引力，而三盞燈嘅情趣娃娃係畀大家一個另類選擇，而佢哋其實仲計劃推出矮人、精靈同雌雄同體嘅情趣娃娃。唔少英國網民睇完後就問：「乜嘢人會對外星人、三盞燈，同埋異族情趣娃娃有性趣呢？」
之前有幾個關於英國男女性生活嘅調查，都指佢哋好頻密地啪啪啪，但係最近又有個調查指，其實佢哋係講大話，皆因結果並唔似預期。呢個由英國女性情趣生活用品網站Ann Summers進行嘅調查，訪問咗2,000名已婚男女關於佢哋每星期做幾多次。結果發現有49%每星期啪啪啪一次或以上，卻有51%表示一星期都連一次床上活動都冇，當中更有10%嘅受訪者稱，佢哋自結婚以後都冇再行房。咁係咪代表當中嘅女士對性生活唔滿意呢？錯！因為當中有42%嘅女士稱同伴侶啪啪啪完後，反而會覺得失落，有趣嘅係與此同時，卻有52%嘅男士覺得好滿意呢種性生活。調查發言人認為要扭轉女士嘅失落感，同埋男士嘅自我感覺良好，最重要就係要識得點溝通，否則只會令性生活變得更加冷淡。
撰文：魂