王虎娘係邊個？佢就係日本插畫家Tony喺插畫集《T2 Art☆Girls》嘅火辣女角色。如果有留意人氣遊戲《光明系列》，就知道作品憑住一眾仙氣十足嘅女角色而著稱，而設計出呢班仙氣女角色嘅人，正係Tony！事實上《T2 Art☆Girls》中多位女角色已先後被模型化，所以今次王虎娘推出Figure亦係意料中事，同時備受期待。
以老虎加獸娘造型嘅王虎娘，擁有一對虎耳加虎尾，再配合黃色嘅主色調，充分展現出佢虎娘嘅本質。不過對性感度爆錶嘅女角色嚟講，咪以為王虎娘今次嘅造型密實，當細心欣賞嘅話，就會發現原來佢心口有飛釘效果，相當誘人。當然作為成人模型唔會咁簡單，玩家可以親手除咗佢條三角褲，再換埋胸部造型，三點畢露嘅王虎娘即刻企喺你面前。