早幾日同朋友去澳門玩，老友甲指明一定要去某間桑拿，話娛樂性十足，我嗰刻心諗：「桑拿嚟嚟去去咪又係嗰幾樣嘢，有乜咁娛樂豐富呀？」老友甲卻懶神秘咁話去到就知。
入到場，沖完涼，着埋件浴袍，老友甲就拉咗我哋三個人去休息區嘅另一邊，咦？街機？乜桑拿竟然有機打嘅？我哋呢個年紀嘅人都係喺機舖蒲大，自從出嚟做嘢後，真係好多年都冇去過機舖，望住部街機，睇埋啲遊戲，回憶真係返晒嚟！而另外兩位朋友竟然走咗去篤波，咪諗邪！係桌球呀！老友乙就零舍多要求，佢話如果技師可以着住浴袍同佢篤波，感覺會更加正，好明顯佢其實只係想𥄫嘢啫！