法式濕吻我哋就聽得多，但「鯉魚王接吻」又係乜嚟呢？原來此乃其中一種日本風俗孃最討厭嘅客人行為。另外，睇日本AV女優浸溫泉時，最誘人一幕莫過於浸泡前的淋熱水畫面，但日本有專家指該動作有潛在危險，大家又知唔知點解？
日本網站DMM曾經有個調查，指每逢冬天期間，同溫泉有關嘅AV作品銷量都會有所提升，有AV迷更認為最正嘅畫面，就係見到身材玲瓏浮凸嘅AV女優「淋熱水」（かけ湯），將一盆溫泉水從頭或膊頭淋落身，感覺超誘人。所謂「淋熱水」，其出發點係喺入浴前，先用熱水幫身體暖身，同時又起到清潔身體嘅作用，既唔會出現熱休克嘅情況，又可保障池水嘅清潔。不過早前一個日本綜藝節目中，溫泉專家大原利雄卻聲稱，呢種被AV迷視為誘人嘅淋水動作（其實喺電視劇亦常見），原來會誘發心血管疾病。佢指出為免出現熱休克，最恰當嘅做法係先從腳掌同小腿開始淋熱水，然後再淋腰同手，最後才輪到膊頭同頭部，便可避免對身體構成風險。雖然AV嘅淋水場面係誘人，但現實中千祈咪跟住做啊！
日本風俗孃每日面對唔同客人，總會出現一啲喺佢哋眼中相當討厭嘅行為，而最近便有一種名為「鯉魚王接吻」（コイキングキス）嘅惡行引嚟日本網民熱議。話說日本網民「Daiana」（ダイアナ）早前喺網上，用漫畫分享風俗孃眼中客人嘅討厭行為，包括個人衞生情況惡劣、點都要真槍實幹啪啪啪、態度蠻橫、問長問短問唔停、超冷漠又被動嘅態度、創傷性手指插入私處、過度玩弄車頭燈、搞亂風俗孃嘅髮型同「鯉魚王接吻」。所謂「鯉魚王接吻」係指客人個口擘到大一大咁狂啜風俗孃個嘴，搞到對方成面都係口水。關於呢個名稱嘅出處，應該係同動畫《寵物小精靈》中嘅精靈鯉魚王有關，事關該精靈個口正正係擘得好大！而呢個詞語亦早喺2016年12月出現於網上，畀人錫到成面口水，諗落又的確好惡心。
西方嘅月亮係咪特別圓就見仁見智，但唔少男士卻覺得西方男士嘅兵器長度應該係長啲，咁實情又係咪呢？
英國嘅國民免費醫療服務（National Health Service）最近就進行咗個官方調查，研究英國男士兵器嘅平均長度。佢哋喺英國倫敦大學為104名年齡從青年到退休老人進行量度，結果發現佢哋嘅兵器於作戰狀態下，平均長度為13厘米（5.1英寸）。此外，佢哋又對2,770名英國男士進行研究，發現喺硬直狀態下，男士兵器長度介乎5英寸至7英寸之間，而長度較短嘅兵器，佢哋硬直時嘅長度增加率可達86%，而長度較長嘅兵器增加率只係47%。調查人員又發現坊間某啲聲稱可令兵器變粗或變長嘅藥物或運動，其實都係冇任何實際作用。
撰文：魂