大家會唔會將綺夢嘅內容話畀另一半知呢？男人梗係唔會咁蠢，係人都知女人好小器啦！不過呢位男網民嘅情況卻比較特別，佢話：「早兩晚發綺夢，對象係前女友，夢中我同佢啪啪啪，跟住就被濕漉漉嘅感覺整醒咗，當我擰個頭去一邊諗住繼續瞓時，發現老婆眼碌碌咁望住我，仲問我做乜無啦啦夢遺，我話呢排熱氣，點知佢追問我發咗乜嘢夢。大家有所不知，我老婆最憎人呃佢，但我冇理由照直講，所以我就話係夢到個陌生女人，佢瞄咗我一眼，跟住就冇理過我。老婆知道我因為工作關係同前度女友有聯絡，但我又真係唔敢講佢聽，究竟點做好呢？」
兵兵波：呢個時候梗係死撐啦！你都講咗你老婆最憎人哋呃佢，而喺你講出陌生女人時，其實已經呃緊佢，試問點可能家陣改口供，改咗你仲大鑊呀！
Patrick：夢到前度女友本嚟唔係大問題，問題係發射一刻斷正畀你老婆。正所謂寧畀人知，莫畀人見，而你就直接衰喺佢手上，所以千祈咪講真話呀！
B.CC：你做乜呃佢呢？其實你以為咁講，你老婆就唔知咩！佢可能係估唔到你夢到嘅係Ex，但好肯定嘅係佢知道你有景轟，單係呢點你就已經死硬。
麒麟臂：從你老婆嘅反應，就知道佢已經對你起疑。呢個時候其實只得一個選擇，就係繼續講大話，因為你已經返唔到轉頭。不過老老實實，你對Ex仲有冇性幻想？