日本遊戲《光明之刃》自2012年3月推出以嚟，憑住一眾美艷又華麗嘅女角色，至今仍然有相當高嘅人氣，難怪模型長出長有，而最新登場嘅就係有「七色的靈刃使」之稱嘅咲夜，樣子仙氣十足，玲瓏浮凸嘅身材更係養眼。之前佢已經推出過唔少模型，咁今次又帶畀大家乜嘢驚喜呢？答案就係以全裸造型登場，只以一條黑色長絲帶遮住三點，大家咪以為咁就冇晒嘢睇，皆因可以欣賞到迷人深溝及修長美腿之外，從後面睇嘅話，仲會發現白滑渾圓嘅美股添！另外，不得不讚模型嘅造工，嗰條絲帶充滿動感，尤如表演絲帶舞，令觀賞性大大提升。