西原愛夏 火辣牙醫助護

相信無論大人定小朋友,甚至係雄赳赳嘅男子漢,去到牙醫診所都會驚到震!不過,喺日本睇牙醫就唔同喇,尤甚係男士們更加會抱住期待又興奮嘅心情,皆因有機會見到西原愛夏呢位巨乳牙醫助護呀!

受父親影響

唔知大家有冇發覺,家陣日本寫真界可以話人才濟濟,已經唔會好似十幾廿年前咁只係得三幾個女優雄霸一時,而係變得百花齊放,對於觀眾當然係好事啦!不過對於寫真女優就似乎未必好,因為個餅得咁大,多咗人分變相競爭大咗,上位機會亦當然更加難啦!因此,近年出道嘅女優有唔少都係以兼職身份演出,好似早前為大家介紹過嘅麻倉麻里奈係一間立飲居酒屋嘅店長,至於今日同大家見面嘅西原愛夏就係從事齒科衞生師,亦即係牙醫助護。

今年24歲嘅西原愛夏之所以選擇做牙醫助護,全因自小受到父親嘅影響,其父親係一位牙醫,因此細細個就見識到好多牙科設備和器具,唔單止唔驚,仲對此產生興趣添!

注重健康

喺中學時期,愛夏同媽媽去到原宿竹下通行街嘅時候,被藝能事務所人員睇中而成為模特兒,後來佢為咗修讀齒科衞生師課程而暫停模特兒工作,2017年佢成功取得專業資格,並且正式成為齒科衞生師,現時佢喺一間牙醫診所工作,有空餘時間才會拍寫真。

至於喺寫真界,愛夏發展得相當唔錯,憑住甜美面孔以及F奶火辣身材而備受注目,亦經常擔任網絡電視節目嘅嘉賓,最近佢就忙於拍攝電影《Grey zone》,當中佢飾演黑幫老大嘅大女,更有唔少動作場面,不過大家唔使擔心阿妹嘅體力應付不來,因為佢一向注重健康,平日勤做運動,每星期跑步5次,唔怪之得身材咁弗啦!

西原愛夏 Profile

年齡:24歲

身高:5呎3吋

三圍:35F-23-34

社交網站

簡介:近期西原愛夏忙拍寫真同拍戲,仲要喺牙醫診所工作,認真夠晒忙碌。而阿妹經常會喺社交網分享自己嘅工作及拍攝花絮,想知道佢嘅最新動向就要留意喇!

網址:https://twitter.com/manakanishihara?lang=ja

撰文:賢