虛擬女偶像嘅其中一個優點，就係鍾意整到身材幾咁前凸後趷，都冇人會質疑佢係咪後期加工，就好似Nitro+嘅虛擬代言人Super Sonico咁，青春可人兼身材火辣，仲要經常以超性感造型示人，自2006年10月誕生至今不但勁有人氣，模型更係長出長有，而最新登場嘅就係呢個以「Love Bomber」為主題嘅模型。
老實講，如果唔係佢手上嗰條繩索同腰間嘅左輪手槍，真係唔知佢嘅造型嚟自西部牛女。不過姑勿論佢嘅西部味夠唔夠重，但講到性感度卻仍然係相當高，而最為吸睛嘅部位相信好多人一眼都睇得出，冇錯，就係佢一對激凸巨乳，其實如果細心啲睇嘅話，仲會發現露出嘅小底褲，同樣引人入「性」。不過話名係「Love Bomber」，騎住炸彈嘅設計固然係配合主題，卻不得不讚模型嘅造型相當有動感，唔單止飄起嘅長髮有種下墮感，嗰對彈起嘅車頭燈更係勁有質感，正呀！
全高：約275mm
售價：約HK$1,312