人人為我，我為人人，講得出有幾人做得到，香港人素質固然冇問題啦！原來美國人一樣有情有義！當年因為被綜合格鬥選手（MMA）男友、綽號War Machine毆打，傷勢嚴重到入廠做幾次大手術嘅索爆脫星Christy Mack，雖然身體已算康復，但心理創傷尚未平復，已退出四仔幕前，但因為搵食，阿妹轉戰夜場界，每晚巡迴各大夜場跳舞表演，人氣不減當年o架！
據傳媒報道，當日Christy Mack受傷，台前幕後都義務替佢籌旗，令阿妹非常感動！正所謂得人恩果千年記，早前四仔界有位資深導演Ivan受嚴重糖尿病影響而需要做手術，Christy Mack義不容辭，馬上喺籌旗網站發起集資幫Ivan渡過難關。Christy Mack接受傳媒訪問，佢話非常體會到因病而手停口停，同時要面對龐大醫療費嗰種徬徨無助，至今仲清楚記得當年Ivan出心出力幫過自己，因此今次毫不猶豫做發起人替對方解困，更呼籲自己粉絲要多多益善，勿以善小而不為，大家收到未！