師傅教落人旺無幾何，所以一知道自己氣勢如虹就要食住個勢向前衝喇！而呢一點，日本寫真女郎就最明白，因為佢哋通常都會趁人氣高企之時推出寫真集，將自己狀態最佳、魅力最強嘅一面完全表達，當中包括藤木由貴。
雖然藤木由貴已年屆30歲，但係美艷嘅面孔依然帶住少女般嘅甜美同萌味，所以素有「日本最可愛賽車女郎」之稱！作為賽車女郎，由貴威震業界，原因係自2016年參加日本賽車女郎大獎以來屢獲殊榮，攞獎攞到手都軟！人氣高企之餘，佢亦同唔少前輩一樣勇闖寫真界，最近就推出第二本寫真集《啓迪~けいてき~》喇！
今次去到熊本嘅天草及島原兩處取景拍攝，屬於臨海地區，景致秀麗亦充滿休閒感覺，同可愛嘅由貴一樣能夠提供治愈能量。當然由貴身材纖巧誘人，要火辣起上嚟一樣可以令男人大受刺激且汗水直冒，而今次由貴亦會以露出度極高嘅衣着以及挑逗性嘅動作，將辣味大大提升，令大家慾火高燒。
書名：《啓迪~けいてき~》
售價：約HK$299