日本好興乜都眾籌一餐，好似最近有條附帶馬賽克效果嘅底褲，單係造型已經相當過癮，若果真係成功面世，會否喺AV中出現呢？另外有位寫真女優突然話要為引退寫真集搞眾籌，佢又係邊位呢？
日本AV片廠會為男女優嘅私處打上馬賽克，即係俗稱嘅「格仔」，而呢類AV因而被稱為「有碼片」或「騎兵片」。最近日本眾籌網站Campfire就有款名為「馬賽克底褲」（Mozaiku Pants），簡稱「Mozapan」嘅產品搞眾籌，而佢最過癮就係底褲嘅私處位置，被加上馬賽克效果。咁AV男女優着住佢嚟演出，片廠咪唔使打格仔囉？據由前任天堂設計師前田高志所率領嘅設計團隊稱，馬賽克嘅意念其實係為咗讓大家能重拾童年記憶，但佢哋亦補充指將馬賽克加喺底褲上，亦係為咗帶嚟心跳加速、背德感同性樂趣，簡單嚟講即係想令男女有更多遐想。事實上呢款底褲有分男女穿着兩款，而眾籌目標價為160萬日圓，現已籌得約8成，睇嚟於11月29日限期前會成功達標。
雖然話長江後浪推前浪，但睇見有寫真女優話引退時，仍然會忍唔住感觸一番，好似寫真女優倉田夏希，佢最近就喺Campfire為引退寫真集搞眾籌。等等！引退？咁突然？倉田夏希喺眾籌計劃介紹中指，其實自己一直都有引退打算，而引退前其中一個必做項目，就係要出番本寫真集。事實上呢位喺1990年6月11日出生，喺2015年5月正式喺日本寫真界出道嘅美女，憑住一對33G巨乳加鄰家女孩氣質，曾被認為係寫真界最強新進女優，甚至有極大機會進軍藝能界。不過5年後嘅今日，佢始終冇喺藝能界發展，而透過呢次眾籌活動佢亦透露口風，唔入藝能界其實係自己嘅決定。講番本寫真，目標價為80萬日圓，期限到今個月25日，而眾籌人士更有機會獲得同倉田夏希聚餐嘅機會，都算相當有誠意。
男人總係覺得愈緊窄嘅蜜洞，會帶嚟更大嘅性愛體驗，之但係呢種諗法令唔少女性變得緊張，因而更難獲得性高潮。澳洲性學家Olivia Bryant表示，女性好多時因為緊張自己床上嘅表現，同埋蜜洞係咪夠緊窄等問題，導致情緒變得緊張，繼而令蜜洞嘅肌肉繃緊，從而令神經變得冇咁敏感，如此情況下佢哋好難喺性愛中獲得高潮，甚至會產生厭惡性愛嘅心理。為免出現呢個惡性反應，佢建議女士應透過自娛嚟解決。佢表示透過自娛，不但可令女士更認識自己嘅蜜洞，知道自己嘅生理狀況，同時又可以喺尋找高潮嘅過程中，感受到自己嘅高潮位所在，從而避免因床上過分緊張，而導致難以獲得高潮嘅情況。此外，佢又話如果能加入浪漫環境元素，更能起到紓緩情緒嘅作用。
撰文：魂