戀人之間唔多唔少都有自家一套嘅親密行為，好似有人鍾意互幫對方膊頭，有女士鍾意將個頭晾喺男方膊頭，有男士鍾意雙手捧住女方塊面等，之但係呢位女網民卻有個習慣，搞到佢被親戚投訴，究竟係乜嘢事呢？呢位女網民就話：「早幾晚我媽咪同我講：『阿女，你下次唔好再喺我哋面前𢱑你男友嗰度喇，畀人睇到幾咁尷尬呢。』我聽完諗咗一陣，我𢱑男友邊度呢？原來我唔知由幾時開始，鍾意伸隻手入男友條短褲嘅褲管內𢱑佢。不過，大家唔好諗歪，我唔係搞佢『嗰度』，只係𢱑佢大髀咋！返到男友屋企，我同佢討論呢個習慣點嚟，佢就話有次我話佢大髀上嘅毛好性感，而佢又極少着長褲，就喺嗰時𢱑佢大髀咁話，仲話嗰時我𢱑得幾𢱑，佢就會有反應，然後就會開波，結果慢慢養成呢個習慣。哎呀，諗諗吓都覺得超老尷，啲親戚見到以為我成日搞男友嗰度，瘀爆。」