麻倉麻里奈晚晚陪你飲

親切好雙乳

生得靚女，喺日本寫真界嘅發展當然會較為理想，但係又唔代表唔夠靚女嘅女優難以上位，好似近年人氣高企嘅鈴木富美奈咁，就係憑住健美體態以及H Cup巨乳而成功上位，當然佢成日笑面迎人嘅傻大姊風格亦絕對係重點，而麻倉麻里奈喺呢方面就同富美奈非常相似喇！

今年27歲嘅麻里奈係巨乳級女優，胸前對G奶碩大堅挺，如果腰圍可以減多兩吋的話，呢副身材一定震撼寫真界，不過家陣胴體亦夠晒豐滿誘人。麻里奈咁「好雙乳」，性格亦相當親切，經常面露發自內心嘅真摯笑容，亦因為咁，雖然佢唔算係絕色美人，一樣魅力逼人！

兼職店長

麻里奈喺2014年踏足藝能界，之後參與好多網絡電視嘅演出，更喺節目中大展所長自彈自唱，原來阿妹天生充滿音樂細胞，更加彈得一手好結他，曾經為個人嘅寫真映像作品負責作曲及作詞，認真多才多藝，所以千祈唔好以為麻里奈淨係識得賣弄色相呀！

提到手藝，麻里奈仲係一位烹飪高手，近年佢除咗拍寫真，亦去到東京新橋一間立飲居酒屋兼職做店長，負責烹調各種居酒屋料理，為客人奉上美酒同佳餚嘅時候，仲伴以親切嘅笑容，唔怪得呢間居酒屋被附近嘅上班族捧為朝聖之地啦！

社交網站

簡介：麻倉麻里奈一向都對自己嘅身材充滿自信，所以經常將攝影會拍攝嘅寫真照放到社交網同大家分享，另外仲有唔少性感自拍照，亦一樣賞心悅目。

網址：https://twitter.com/marina_asakura

麻倉麻里奈Profile

年齡：27歲

身高：5呎3吋

三圍：35G-24-34

撰文：賢