歌都有得唱：「好心地但運氣差，做壞人才耀眼」，喺愛情世界裏，壞情人總係零舍吸引，心地善良嘅就只有陪跑，追唔到女仔。而喺英文情色俚語中，有唔少同Bad及壞有關嘅詞語，另外喺AV界中亦可以搵到以壞聞名嘅四仔及AV女優。
男人都希望床上嘅表現獲得女伴激讚，但係如果聽到女伴講話「Bad in Bed」，咁就要好好檢討一下自己喇！事關佢嘅意思係指男士床上表現差勁，但要留意並非話你係快槍手，而係話你唔識得取悅女方，可能係前奏做得求其，或者唔識得變換體位等，總之令女伴好無Feel、好無癮。不過畀女伴話你「Bad in Bed」，都總好過被女方懷疑你係「Bad Blood」，喺英文情色俚語中，佢嘅意思係指患有性病，如果被女伴懷疑你有性病嘅話，唔單止要好好檢討一下自己，仲要快啲搵醫生檢查呀！
正所謂「人有三衰六旺」，每個人都唔知聽日係一個好日子定壞日子，而呢度所講嘅「Bad Date」，並非單純指壞日子咁簡單，皆因佢係美國妓女界嘅術語，究竟喺乜嘢情況下，妓女們會用上「Bad Date」嚟形容自己黑仔呢？原來當佢哋遇到客人唔畀錢、假扮嫖客搶劫以及動粗嘅客人，就會稱當日係「Bad Date」。講開美國妓女界嘅術語，佢哋仲有個「Bad Week」，佢同黑仔遭遇一啲關係都冇，而係指月事來潮咁解，每當佢哋喺呢個時期，只好乖乖停工休息，對於手停口停嘅佢哋嚟講，又真係幾慘情嘅，而且當中嘅痛苦同麻煩，男人真係唔會明白！
人妻向來係美國四仔界嘅主流題材，講到當中嘅經典作品，由四仔廠Vivid喺1997年9月推出嘅作品《Bad Wives》，絕對係其中之一。呢套四仔之所以稱為經典之作，同時又被AVN評為500套必睇四仔之一，皆因係由著名四仔導演Paul Thomas執導，更搵嚟Dyanna Lauren、Melissa Hill、Stephanie Swift、Steven St. Croix等一眾當紅脫星演出。故事講述一班慾火高漲，卻長期得唔到丈夫慰藉嘅人妻，為咗填補空虛嘅感覺，於是趁外出買餸嘅時候，同雜貨男售貨員、豬肉佬等偷情。憑住極淫亂嘅劇情及性愛場面，分別喺1997年XRCO及1998年AVN四仔頒獎禮中，獲得年度最佳四仔，而女主角Dyanna Lauren亦奪得年度最佳個人演出脫星殊榮。提到Dyanna Lauren，佢喺1965年3月18日於美國洛杉磯出生，憑住一對34DD巨乳喺1992年出道後獲得極高人氣，及至2007年宣布引退，並喺2008年選入AVN名人堂，翌年復出再戰江湖，喺2010年XBIZ四仔頒獎禮中獲得最佳年度復出脫星獎，至今喺美國四仔界有舉足輕重嘅地位。
經常話「男人唔壞，女人唔愛」，其實同樣道理套用喺女人身上亦通用，事關壞女人對男士嚟講，擁有難以抗拒嘅吸引力。講到日本AV界嘅壞女人，不得不提形象夠壞嘅淫娃愛田瑠花。阿妹喺1971年12月13日於日本神奈川縣出生，擁有一對35D美巨乳，喺1995年7月投身AV界，推出處女作《超人間發電所》，以淫娃加壞女人形象示人，成功獲得極大嘅注目度，人氣火速上升。之後，佢踩入脫衣舞界，成為一時熱話。不過喺2004年2月佢宣布引退，並喺東京西麻布開設餐廳酒吧，只係一年後宣告結業。2006年1月花妹回歸AV界，並再次以壞女人形象征戰，為咗打響頭炮，推出極具淫氣嘅作品《壞女人 愛田瑠花》。而向來唔安於喺AV界發展嘅佢，同年喺吉原一間泡泡浴風俗店客串做風俗孃，更向前人氣AV女優川村遙同朝河蘭拜師學習泡泡浴技術，有多年泡泡浴風俗孃經驗嘅愛田瑠花，近年專心喺風俗界搵食。
撰文：魂