以前日本嘅風俗店招聘人手，都係透過廣告形式請人，而請嘅人絕大部分以風俗孃為主。不過隨住該行業發展，除風俗孃外仲需要其他職位如市場策劃一類人才，難怪日本風俗業會舉辦轉職博覽會。
講述日本AV界傳奇人物、有「AV帝王」之稱村西透（村西とおる）嘅電視劇《全裸監督》，早前宣布推出第二季。村西透話佢唔知第二季嘅劇情，只係估應該會加入新角色，即係當年佢所創立AV片廠「鑽石映像」（ダイヤモンド映像），一手捧紅兼AV界元祖巨乳女優松坂季實子。村西透稱季實子對車頭燈超巨，巨到今時今日都好難搵人演出。究竟季實子對燈有幾巨？44H！雖然村西透咁講，但日本媒體就估應該會搵巨乳寫真女優天木純演出，雖然個樣就唔係好似，但純妹對燈號稱有37I，同樣超巨。講番季實子，當年就讀大妻女子大學短期大學部嘅佢，喺1989年被村西透發掘並於AV出道，憑巨乳而人氣勁爆，仲掀起AV界嘅巨乳風潮。點知1991年初突然因私人理由引退，1996年中被日媒影到OL打扮返工，並指佢喺一間大型廣告公司工作。
成日聽女士話「唔滾、唔煙、唔酒」嘅男人至係理想男友。前兩者聽落好有道理，只係後者卻有待商榷，皆因美國學術雜誌《Evolutionary Psychology》最近有研究文章稱，對女士嚟講，豪飲嘅男士更具吸引力。豪飲男點解會吸引到女性呢？文章嘅研究員解釋有兩個原因：第一，能夠豪飲嘅男士畀到女性一種暗示，就係佢哋嘅身體夠強壯，而呢個亦係一個性信號；第二，從進化論嘅角度嚟睇，暴飲暴食係一種經濟能力嘅展現，皆因有另一項研究指，喺全球富人群體暴飲暴食嘅情況相當普遍，因此對某啲女士嚟講更具吸引力。點先至算係豪飲呢？根據英國嘅標準，女性飲超過4杯，而男士則飲超過5杯就算豪飲。不過都要提醒大家，揸車唔飲酒，飲酒唔揸車，同埋豪飲對健康唔好。
如果有人問一位女士：「有冇興趣喺夜場度做？」相信佢聽到會以為你叫佢做囡囡。其實夜場的工作性質並非如此單一，日本喺今年5月18日就舉辦咗「風俗業界轉職博覽會」（風俗業界転職フェア），除咗為日本風俗店招聘風俗孃外，亦同時聘請營銷、市場策劃、推廣等嘅人才，藉以更有效發展風俗業。據舉辦呢個博覽會嘅公司FENIX JOB稱，首屆招聘會有113人嚟面試，人數意外地多，而風俗店嘅反應亦相當好，因此喺10月26日於東京品川將會舉辦第二場招聘會，而參加嘅風俗店則有12間。大會表示唔少人聽到喺風俗店工作，總係會同恐怖或騙子扯上關係，而招聘會則提供一個認識風俗業嘅機會，仲可一改以往風俗店招聘只能用「月入一千萬（日圓）」嚟做賣點嘅老套方法，最重要就係隨住風俗業現代化，需要更多識得管理嘅人才。
撰文：魂