最近日本有安全套生產商推出東京奧運特別版安全套，究竟佢有幾獨特呢？又會唔會掀起搶購潮呢？另外，日本有個新推出嘅大福餅，竟然引起一眾人嘅邪念！
大福餅係日本和菓子嘅一種，由於尺寸較大、外形渾圓而稱為「大腹餅」，後來取其吉祥嘅諧音改稱「大福餅」。點解無啦啦講起大福餅呢？話說日本早前有件黑色糕餅成為網絡熱話，皆因有網民稱呢件糕餅嘅外形好似蛋蛋，結果引嚟一眾人邪念大爆發！
其實佢係日本便利店早前推出嘅新食品名叫「像一顆大珍珠奶茶粉圓的大福」（大きなタピオカみたいな大福），而日本網民「古本」（ふるほん）喺網上稱當日由於覺得佢嘅外形似蛋蛋夠過癮，於是買返屋企品嘗，發覺不論甜度同煙韌度都係理想又好味，而網民睇到佢嘅留言，有人認同佢嘅講法，亦有人問呢個大福餅邊忽似蛋蛋，結果古本表示只係佢個人想像而已。
每次奧運會舉辦時，都會有唔少慶祝呢個體壇盛事而推出嘅周邊產品，只係今次為迎接東京奧運會而推出嘅安全套，卻特別得嚟又幾騎呢。大家都知喺奧運會舉行期間，安全套嘅需求會大幅飆升，有見及此日本一個著名安全套品牌就推出特別版安全套，共分為5個系列，當中最備受注目嘅系列係安全套上印上浮世繪，包括葛飾北齋《神奈川沖浪裏》等名作。
據廠方稱，特別版安全套係針對外國遊客而設，讓佢哋可以更了解日本嘅藝術，又可以適合唔同節日同場合使用。不過有網友問，如果想睇畫作嘅話，咪要買幾支像真如意棒笠住嚟展示，只係擺佢哋喺客廳度好似唔係咁雅觀喎！
日本寫真女優吉野七寶實青春亮麗，擁有一對34F巨乳，今年3月佢上載咗一輯喺屋企浴室自製風乾魚塊嘅自拍火辣相後人氣上升，大家先至知道原來佢唔單止鍾意玩性感自拍，仲有自製魚乾嘅癖好。
最近佢又有新搞作，就係將捕獲嘅海鰻曬乾後，用嚟遮住胸前兩點自拍，果然又再次成為日本網民嘅話題。點解呢位寫真女優咁鍾意拎啲魚乾嚟自拍？原來佢係個釣魚迷，每次都有唔少收穫，由於好難一次過食晒，於是決定將漁獲風乾嚟慢慢食。起初佢都冇諗過會用魚乾嚟自拍，直到有日佢忽發奇想，點解唔拎佢嚟做道具呢？就係咁樣喺網上爆紅。不過有網民問佢會唔會覺得浴室腥味濃，佢就話一啲都唔覺喎。
撰文：魂