日本後宮系漫畫《茶煲情緣To LOVEる》系列，憑住一眾性感又萌味十足嘅女角色，加上鹹味畫面，而獲得極高人氣，一眾女角色更先後被模型化，最新登場嘅就係菈菈‧薩塔琳‧載比路克，嚟自系列續作《茶煲情緣To LOVEる DARKNESS》中暗黑化後嘅造型。
作為漫畫女主角之一嘅佢，身為第一王女但氣質卻相當平易近人，難怪喺一眾女角色中獲得最高人氣。當然佢大受歡迎亦同身材玲瓏浮凸有關，激凸嘅雙峰本嚟已經相當有睇頭，而暗黑化後不但變身成一隻小妖精，超性感嘅衣着更令一對巨乳展露無遺，而模型更係將佢呢個吸睛位充分展現。如果從後面去睇嘅話，仲會發現佢嘅美股同樣相當吸引，絕對值得收藏。
全高：約150mm
售價：￥15,660（約HK$1,128）