傳說中只係喺七夕節嘅時候，牛郎同織女先可以於天上嘅鵲橋相會，不過喺現今世代，特別係喺日本，想見牛郎話咁易，只要有錢就得喇！所講嘅正係喺公關俱樂部工作，職責係冧女客人嘅男公關，不過最近有個囡囡為咗見牛郎而被捕，佢就係前AV女優ANRI喇！
ANRI前藝名叫坂口杏里，係已故知名女星坂口良子嘅女兒，之前因為沉迷搵牛郎玩樂而敗晒阿媽嘅遺產，搞到要下海拍AV，後來轉行做陪酒孃，期間阿妹因為恐嚇做牛郎嘅男友而被捕。
近期ANRI轉行做應召女郎，但係依然死纏住呢位牛郎，早前因為強闖男方屋企而被捕！至於ANRI個點解要咁做就未知，但係佢個樣就上晒電視新聞，連本名野澤瑞惠都被公開埋，阿妹你幾時先肯生性呀！