每個男士都有自己喜愛嘅女生類型，如果鍾情熟女嘅話，有好消息，一位超人氣熟女女優現進行眾籌計劃推出10周年寫真集，相信一定會熱烈支持；至於鍾情青春少女嘅男士，唔知對聲稱可以散發出少女氣味嘅止汗劑產品有冇興趣呢？
不論係AV熟女控，定係有一定資歷嘅AV迷，都會對高坂保奈美或澤村麗子呢個名字有深刻嘅印象，事關曾被喻為日本AV界最索嘅熟女女優，甚至有熟齡女神之稱嘅佢，不知迷倒幾多粉絲。1974年11月24日於東京出生，2008年1月以高坂保奈美之名進軍AV界，當時年屆34歲嘅佢，憑住美艷樣貌以及一對34D胸器，火速成為熟女系女優代表人物之一。
2009年8月宣布引退，不過話咁快喺2010年8月以澤村麗子之名復出，打滾咗7年後再次引退，直至上年5月又回歸，就係咁唔經唔覺斷斷續續做咗10年AV女優，早前佢喺網上搞眾籌集資549萬日圓推出10周年紀念寫真集，而距眾籌限期兩個禮拜已達到目標，足見佢至今人氣仍然高企！
夏天為大家帶嚟汗水，而嗰陣汗味同狐味卻係難頂，因此坊間出現各種香體止汗劑。有日本製藥品牌最近就推出報稱散發出少女氣味嘅止汗劑同沐浴露，廠方表示通過研究發現，女性年輕時身上帶有一種香甜嘅體香，而隨着年齡增加，呢種體香會逐漸減少，於是研發出呢兩款產品，從而令熟齡女士重新獲得少女嘅體香。
點知產品推出後，竟然成為日本宅男嘅搶手貨，有男網民更分享用後感，話噴上呢款止汗劑後係有香味，但唔會所講甚麼成少女氣味，不過身上嘅異味的確減少咗；另外，又有男網民稱每晚都會使用呢款沐浴露，否則就會瞓唔着成晚籮籮孿喎！相信廠商都冇諗過，呢款女性用品竟然會成為宅男嘅至愛！
有乜嘢會值得大家喺激烈啪啪啪中突然停低呢？相信大家絕對唔會因為一杯茶而停低啩？咁又未必喎！早前英國有篇性愛求助文章喺網上爆紅，文章中嘅男士稱每朝都有為老婆泡一杯茶嘅習慣，有時兩人歎完茶後就會親熱一番，不過老婆經常喺中途叫停，話杯茶攤凍咗唔好飲，令男士感到相當掃興，佢更好肯定話如果唔係因為嗰刻老婆話要飲茶，佢哋嘅夫妻生活應該會更圓滿。
有網民稱呢個係非常英國式嘅性愛問題，亦有人認為飲茶後啪啪啪，係英國典型嘅婚姻生活模式，又有網民笑稱飲茶比上床更重要，唔知大家又點睇呢？
撰文：魂