雖然日本成漫界有唔少著名拿手畫人妻嘅十八禁漫畫家，但講到古仔鹹得嚟，畫功又一流兼且床上描寫夠挑逗性嘅，卻非日本漫畫家zen9莫屬。佢不但有齊以上嘅長處，人氣作品更係唔少，而當中最出色嘅就要數呢本《如何度過無聊的下午》喇！
現居於日本神奈川大磯町嘅zen9，有別於其他畫少年漫畫出身，後轉投成人漫畫界嘅漫畫家，反而一開始就喺成漫界出道。不過，有人曾懷疑佢並非一位初出道嘅漫畫家，事關佢嘅畫風相當成熟，尤其係繪畫熟女面孔同激凸嘅身材，畫功相當穩定，更擅長處理情慾場面。不過據佢講，佢並非執着於熟女，就好似其中一本人氣單行作品漫畫《水瀨織江21歲》咁，女主角就非熟女之列。雖然佢咁講，但睇番佢嘅作品，絕大部分均以熟女及人妻為題材，例如家陣於成人漫畫雜誌《PIZAZZ DX》及《TAKESHOBO》連載嘅人氣漫畫，《Anekano》同《好伴侶》都係以此為題材。除此，佢仲有《淫鎖痕》、《櫻之園》、《桃氣制服主義》等著名作品。
不過講到佢嘅代表作，卻非呢本早喺2014年開始於《PIZAZZ DX》連載，其後推出單行本嘅《如何度過無聊的下午》莫屬。呢本以團地妻為故事背景嘅單行本作品，共分為9個單元故事，分別有《童貞喪失》、《懲罰大男人》、《連續三次起雙飛》、《人妻的暗算》、《秘密茶會》、《高潮長度大賽》等。故事講述24歲青年宿舍管理員小川克也，每日都憧憬遇到索爆啡髮團地妻，並幻想可以同佢床戰。點知有日卻被佢反客為主，克也就咁同處男身份講拜拜。另一邊廂，佢出眾嘅床戰能力喺團地妻間傳開，結果吸引到啡髮人妻嘅兩位同為團地妻嘅好友興趣，出現每日下午都會上演三人行嘅火辣劇情。呢本漫畫不但食正zen9最愛嘅人妻題材，而三位各有唔同性格嘅人妻，更係展現出佢對熟女深刻嘅認識及細緻嘅描寫，絕對係一套唔可以錯過嘅成漫作品。
作者：zen9
出版：Angel
頁數：173頁
撰文：魂