昔日對男士嚟講，手中得到一本鹹書真係可以睇好耐，不過喺依家網絡年代，鹹書已經愈嚟愈少人慢慢欣賞。講開書，其實喺英文情色俚語中有唔少相關嘅詞語，當然亦唔少得經典鹹片，事不宜遲，一齊嚟睇睇啦！
英文俚語如果用中文直譯嘅話，意思真係幾搞笑，好似「Blow Book」咁，直譯會得出「吹書」兩字，其實佢係指圖文並茂嘅鹹書或雜誌咁解。講起鹹書，其實早喺19世紀已經有，1898年7月9日喺英國創刊嘅成人周刊《Photo Bits》就係其中之一。雖然佢文字多過相，仲要係黑白圖片，但當其時十分暢銷，內容除咗有短篇成人小說同漫畫外，仲會刊登脫衣舞女郎嘅艷照同素描，直至1914年12月9日停刊。
男女為咗追求刺激，總想喺一啲意想唔到嘅地方啪啪啪，而其中一個就係「Book Sex」，大家估唔估到係咩地方？就係圖書館喇！2018年英國有醫學網站進行咗個關於性愛場地嘅調查，並訪問咗1,000名歐洲及美國男女，結果發現有百分之二嘅受訪者表示試過喺圖書館曳曳。不過大家要謹記，喺公共地方做呢種行為係違法o架！
日本AV片廠S-Cute喺2010年至2011年期間，推出以萌味女優為賣點嘅《S-Cute Bookmark》AV系列，搵嚟萌味十足嘅女優演出，其中喺2011年3月推出嘅《S-Cute Bookmark 08 敏感綜合症》最受AV迷歡迎，除咗精彩嘅床上激戰戲外，演出嘅女優宮咲志帆、村西真理奈、成瀨心美及雪見紗彌等，個個都係體質敏感，喺男優嘅挑逗下不但搞到水頭十足，仲發出響亮嘅呻吟聲。
至於當中邊兩個女優最得AV迷嘅歡心呢？就係成瀨心美同雪見紗彌，前者擁有一對35E車頭燈，甜美樣貌更係正到爆，而後者嘅咪咪亦有34E之巨，加上出色嘅口技，難怪深受歡迎。
睇鹹片係滿足男士嘅性幻想，而呢套由美國四仔片廠Vivid喺2011年5月推出嘅《My Little Black Book》，絕對係滿足性幻想嘅最佳作品。由導演David Stanley執導，並搵嚟Gracie Glam、Capri Anderson等脫星演出，故事講述幾位索女有日突然收到一本神秘黑色筆記簿，當佢哋寫下性幻想對象時，對方就會上門求歡。
呢部作品喺2012年AVN頒獎禮獲得「最佳四仔」以及「最佳個人性愛演出」嘅提名，而Gracie Glam嘅演出更係被激讚。事實上呢位喺1990年9月30日出生嘅脫星，喺2011年AVN頒獎禮獲得「最佳新進脫星」獎，加上佢身材火辣，難怪吸引咁多粉絲支持。
撰文：魂