暑假新航線直飛宮古島，但當地有乜好食你又知唔知呢？個島豆腐膶咁細，試問有幾多人去過吖？識食一定跟當地人食，尤其係AV女優，皆因佢哋最識飲識食，絕對係真心推介。細佬追開天海翼嘅Twitter，發現佢上個月飛咗去沖繩玩，順道過埋宮古島影靚相，本來日本人食Shabu Shabu正常不過，但係見佢成個鍋都係葱，先知道呢間叫「豚匠」嘅火鍋放題，距離宮古島機場只有13分鐘車程，最平3,500日圓就可以2小時任食，加多500日圓仲可以任飲添，係咪抵到震先？至於天海麗嗰個「爆葱豚肉鍋」雖然細佬喺官網搵唔到，但幻想同阿妹撐枱腳，真係未出發先興奮呀！