唔少Cosplay女郎都係樣靚身材正，隨住Cosplay文化愈來愈普及，外國都有唔少熱衷Cosplay嘅索女，好似英國有性感Cosplayer表示，如果佢嘅性感相獲得超過100萬個Like，就會喺色情網站開頻道，有好嘢睇，粉絲點可以唔支持呀！
Cosplayer性感迷人嘅扮相，本來已經令男士睇到流晒口水，若然有更進一步嘅露肉演出，相信會引爆粉絲嘅邪念！話說英國有位19歲索爆Cosplayer名叫Belle Delphine，早前喺IG上發貼表示，如果其Cosplay性感相能夠獲得超過100萬個Like嘅話，就會喺美國成人影片平台「Pornhub」開設個人頻道，雖然佢冇講會做咩，但係已經令一直想睇佢有更加大膽演出嘅網民興奮無比，結果喺短短幾日獲得200萬個Like，集氣成功！
最有趣嘅係，連「Pornhub」都有喺Belle Delphine嘅IG留言：「呢個係我整年以嚟聽到最好嘅消息。」其實鍾情日本動漫嘅Belle Delphine，早已經常喺網上分享性感Cosplay相，其IG追蹤人數更有成400萬添！
巨乳Cosplayer有唔少，但係上圍達到K Cup咁巨型，唔知大家又見過未呢？話說日本網絡節目《戀上差勁男總選舉》最近邀請咗一位巨乳Cosplayer做訪問，名叫痛子‧Nasurin，佢心口對車頭燈認真勁到爆，皆因有成K罩杯之巨，不過最令人驚訝嘅，原來佢係嚟自伊朗。
女主持指原莉乃就問痛子喺伊朗有冇玩Cosplay？佢坦言冇可能咁做，佢又表示一直都鍾意Cosplay文化，於是趁住去日本工作嘅機會大玩性感Cosplay，滿足扮演欲望。至於佢去日本做乜嘢生意呢？就係波斯地毯喇。
一對夫妻每個月嘅行房次數唔多，因而令佢哋誤會為性冷感。其實每個月都有低次數性生活嘅話，性學家認為可能係低性慾所致。澳洲性學與性醫學研究所所長Chantelle稱，低性慾嘅原因好多時係因為冇時間進行床上活動，總會因為其他事而忽略性慾，不過只要經過合適嘅調情同生活態度變化，問題就會好易得到解決。
佢提出男女之間應該先要學習點樣騰出畀自己找尋快樂嘅時間，而所謂快樂時間可以係一齊睇戲，唔一定係上床。經過兩人相處後，可以透過身體動作嚟進行接觸，例如掃背、撫頸、輕吻肩膊等，當大家有時間醞釀情緒時，性慾自然會被喚醒，最後只需解開自我抑制，自然水到渠成。
撰文：魂