為咗保護未成年人士，不同地方都會有法例規限佢哋嘅行為，例如香港同日本一樣，商店唔可以將煙草產品以及酒精類飲品售予未成年人士。雖然日本以20歲為成人年齡，但係踏入18歲已經可以做好多事，好似上西怜咁剛滿18歲，拍寫真就可以更加大膽同更加放喇！
提到日本藝能界嘅大型美少女團體，相信唔少人都會諗起AKB48、乃木坂46，不過近期似乎大家聽到NMB48比較多，點解？唔係因為NMB48活躍度突然爆升，而係當中有一位極具代表性嘅成員推出相當有話題性嘅性感寫真集，呢位就係白間美瑠。佢的確係又靚女又好波，然而今日同大家見面嘅上西怜絕對唔會輸畀師姐美瑠喎！
上西怜剛踏入18歲，正所謂「十八歲卜卜脆」，當然係青春嫩口又甜美，而且純真又清麗，真係嗒得杯落。至於身材方面就更加令人驚艷，雖然身形纖瘦，但係上圍卻巨型豐滿，曾經睇過佢喺舞台演出嘅觀眾都感到驚訝，同聲表示估唔到怜妹原來咁大波，而且胸形仲相當美觀添！
上西怜喺2016年以NMB48第5期成員身份登場，佢之所以投身藝能界，其實同家族成員有關。上西怜嘅姐姐上西惠早喺2010年加入NMB48，而堂家姐上西星來則係另一個藝能團體Tokyo Performance Doll嘅成員，受到兩位姐姐嘅影響，怜妹自細就希望成為藝能偶像，長大之後佢生得標致可愛，加上好有演藝天分，所以順利加入NMB48成為其中一分子，仲曾經與家姐上西惠一齊登台表演添！
踏入18歲，怜妹開始投入寫真拍攝工作，唔拍猶自可，一拍就畀大家見識到其身材幾咁激凸，簡直係平地一聲雷，迅速成為好多雜誌界嘅風頭躉，近期密密為雜誌拍水着寫真，大家有眼福啦！
簡介：上西怜最近獲多間雜誌邀請拍攝水着寫真集，如果大家想知道阿妹嘅寫真拍攝花絮以及性感相，就要Click上其社交網睇睇喇！
網址：https://twitter.com/jonishi_rei
年齡：18歲
身高：5呎1吋
三圍：34F-23-33
撰文：賢