相信唔少欣賞日本寫真女郎多年嘅朋友，同小弟一樣懷念過去曾經為大家帶來震撼視覺刺激嘅經典女優。幸好，依家舊夢可以重溫，曾叱咤一時嘅小松彩夏離開寫真界5年之後，最近終於返嚟喇！
日本寫真界有好多名字以「小」字開頭嘅女優，但係佢哋嘅吸引力就絕對唔小，好似小泉麻耶、小池榮子、小向美奈子等就係寫真界嘅經典女優，至於近年人氣爆升嘅小倉優香、小池里奈都質素超班，充滿青春氣息。講咗咁多位經典女優，當然唔少得近期回歸寫真界嘅小松彩夏啦。
雖然小松彩夏今年已經32歲，但係面上仍散發出一股初出道時嘅青春可愛感，同時亦泛起一股騷媚嘅輕熟女風韻，實在係絕色美人。此外，彩夏保持一身美肌雪白鮮嫩，胸前嘅D Cup美乳堅挺而豐滿，寫真界更形容佢嘅乳溝足以令男人如墮萬丈深淵不能自拔添！
彩夏喺2003年參加《美少女戰士真人版》電視劇角色選舉，勝出之後獲得演出「金星仙子」愛野美奈子角色嘅機會，成功進身演員行列，及後演出過唔少劇集同電影，例如人氣電影《跳躍大搜投查線》等，而最近彩夏繼續其女戰士本色，參演日劇《白衣之戰士》。
除咗拍劇同拍電影，彩夏最令男觀眾難忘嘅當然係寫真演出啦！而相隔5年之後，最近終於重投寫真拍攝工作，原因係彩夏早前同事務所結束合作關係，喺轉事務所嘅過程中令到佢有少少迷失，結果合約事務搞掂晒之後就覺得係時候重新出發，決定重踏寫真之路。其實彩夏一早就要繼續拍寫真啦，不過有心唔怕遲，大家都會繼續支持你嘅！
簡介：小松彩夏最近重新拍攝寫真，而佢就喺社交網分享咗唔少拍攝花絮，另外如果大家想知道阿妹近日忙緊拍咩劇，就要緊貼住消息喇！
網址：https://twitter.com/ayaka_502
年齡：32歲
身高：5呎3吋
三圍：33D-23-34
撰文：賢