為咗吸引AV迷注意，AV廠都會以誇張嘅形容詞嚟介紹新人女優，好似「百年一遇」、「千年一遇」等，至於佢哋係咪真係咁索就見仁見智，而最近被喻為「史上最索」嘅佐藤美希又係咪貨真價實呢？依家一齊嚟品評一下啦！
師傅成日都話女仔身肥則胸大，身瘦則胸細，不過亦有身肥而胸細嘅例子，而更罕見嘅係身瘦而胸大，呢種極品胴體就算喺索女如雲嘅日本寫真界亦相當難尋，但係唔代表冇，所以大家唔使失望，好似佐藤美希就係最佳人辦。
今年25歲嘅佐藤美希論面相唔係話好差，只係略嫌顴骨稍微凸出，唔笑嘅時候帶點惡形惡相，好彩阿妹青春可人，而且笑容滿面，可謂一笑生花，帶畀大家甜美感覺。講到最大賣點必定係佢副極品靚偈，一來夠高挑，二來夠纖巧薄身，三來亦係最重要嘅一點，就係一對又大又飽滿嘅F奶，美態確係難得一見。
正因為美希副偈咁索，最近佢為一本雜誌拍水着寫真嘅時候，被雜誌編輯部大讚為「史上最高之美Body」，唔知大家認唔認同呢？希妹嘅胴體之所以咁吸引，佢表示全靠每星期至少做一次高溫瑜伽以及浸浴浸到出晒汗，但係就絕對唔會做其他鍛煉肌肉嘅運動，因為佢只想透過出汗嚟減肥，而唔想搞到肌肉太過發達變到好似健美小姐咁款。
近期美希除咗拍寫真，亦有做電視主持，另外亦有參與拍電影，包括《幸福的餃子》。此外，佢近年頻頻演出舞台劇，例如《曉の帝 朱鳥の亂編》等，似乎美希好有熱誠去稱霸舞台界喎！
簡介：雖然佐藤美希近期忙於演出舞台劇，但係亦不時上載之前拍過嘅水着寫真同大家分享，想睇靚相就要Click上去慢慢欣賞喇！
網址：https://twitter.com/sato_miki626?lang=ja
年齡：25歲
身高：5呎5吋
三圍：34F-22-33
撰文：賢