倉持由香 巨躉電競女

渾圓堅挺

日本寫真界巨乳女優愈來愈多，而且當中有唔少都係二十出頭嘅少女，大家真係有眼福！之不過，正因為我哋係男人，所以眼界應該闊啲睇多啲，欣賞巨乳妹之餘，亦不妨欣賞巨尻美人兒，今日就為大家介紹巨躉妹倉持由香喇！

今年27歲嘅倉持由香初出道時雙眼欠缺神采，一雙死魚眼真係幾趕客，及後可能因為人生經歷豐富咗嘅關係，現在一雙明眸媚態萬千，個樣標致咗唔少。身材方面，由香有一個相當突出嘅地方，就係一個大得出奇足足有成39吋嘅巨躉喇！呢個巨型美股又圓又大又堅挺，而且白滑鮮嫩，絕對係一個優質股，令熱愛看股嘅朋友愛不釋手！同時由香嘅上圍都唔細，有前有後吸引力強。

打機過招

倉持由香嘅巨躉之所以咁堅挺，可能同佢一直都有做運動有關，除咗經常踩單車踩足幾十公里濕濕碎之外，佢仲係一位空手道高手，入行前曾經喺電車上制服一名癡漢，認真係女中豪傑！

提到呢一點，由香亦有兩個興趣幾男仔頭，一個係打機，近期佢除咗忙於拍寫真以及出席電視台嘅綜藝節目，仲成日進行打機直播，當中佢會同其他打機高手過兩招，而呢期佢就最鍾意打《街霸5》，擅長使用如春麗一系列女角色打到對手一仆一碌。而由香另一個興趣就係刨馬經，佢對競馬活動有濃厚興趣，亦相當有心得，連日本國內最大型嘅競馬情趣網站「NETKEIBA」都有搵阿妹寫專欄提供貼士。

倉持由香 Profile

年齡：27歲
身高：5呎6吋
三圍：34C-24-39

社交網站

簡介： 倉持由香近期相當鍾意打機，如果想了解阿妹最近打咩Game，同時幾時會進行打機直播，可以Click上其社交網留意。
網址：https://twitter.com/yukakuramoti

撰文：賢