渡海濠情：股股惑惑 誘人夏日

愛惜美股

其實嗰位美國脫模起初以為個球手講笑，點知對方真係用力揮桿，結果畀人打到屁股開花，見到佢個美股又腫又瘀真係戥佢肉痛！珊珊聞言就話：「其實肉痛都算，最慘係就嚟夏天，到時真係唔知點算好。」夏天雖然就快到，但同美股又有乜嘢關係呢？珊珊解釋：「須知道對索女嚟講，夏天係晒天賦本錢嘅時間，除咗要谷起條事業線外，仲要喺海灘着比堅尼晒出渾圓嘅美股，等班男人睇到眼甘甘。如果個美股腫成咁，起碼要三、四個月先至可以冇晒瘀痕，咁邊嚟得切晒誘人美股呢？更何況對呢位脫模嚟講，美股係佢嘅搵食工具，真係唔知佢幾時先至可以開到工。」

透視誘惑

雖然話夏天着泳衣可以盡顯天賦本錢，但想誘惑男士嘅話，又唔一定要着泳衣，着低胸衫加迷你裙，一樣可以凸顯火辣身材。珊珊笑道：「雖然可以咁樣做，但個籮腫成咁，都唔知可唔可以坐低喇！」話說回來，珊珊喺夏天唔知鍾意乜嘢打扮呢？莫非好似佢咁講，着低胸衫加迷你裙咁性感？珊珊表示：「我梗係要趁呢個時候着得性感啲啦！不過我又唔會着得太少布，事關今年興透視，所以我一早入定貨，連身透視長裙，入面加性感胸圍同丁字褲，實行以密實得嚟又性感嘅造型迎接夏日。當然，我仲有另一個選擇，就係揀透視嘅貼身熱褲，等我可以盡現誘人美股線條。」

珊珊Profile　　

身高：5呎4吋

三圍：33、23、33

撰文：魂 　

攝影：昌