近期興起一種叫ASMR嘅影片，雖然未必個個都知道呢類片係乜嘢嚟，但只要知道演出嘅係一位索女，就已經叫人相當興奮。不過講到索，又點及得上曾為榴槤品牌進行代言嘅索爆泰國模特兒呢！
人靚聲甜嘅索女固然係成為網紅嘅基本條件，若然仲有一技之長嘅話，想唔成為網紅都難，好似呢位俄國索女Angelina Lin咁，憑住拍攝ASMR影片加上性感嘅Cosplay造型而一舉成名。ASMR嘅中文係「自發性知覺高潮反應」，泛指各種感官受刺激而令身體產生愉悅反應嘅感知現象，簡單嚟講就好似聽音樂時，好聽到起晒雞皮嘅感覺。Angelina Lin正係利用呢種官能刺激，加上本身亦係一位性感Cosplayer，以「ASMR KittyKlaw」之名喺YouTube開設同名平台，以各種道具製造唔同音效，配合性感嘅Cosplay造型，炮製出與別不同嘅ASMR影片。
又嚟到榴槤嘅當造季節，而每年嚟到呢個時候，都總會喺網上見到一位索女，睇到男士們流晒口水！呢位榴槤索女，網上曾有傳言佢係嚟自榴槤盛產地泰國尖竹汶府嘅一位賣榴槤女生，其實正確資料係，呢位真名叫Chonchaya Wangphong嘅泰國女郎，本身喺1991年w7月16日於曼谷出生，正職係一位模特兒，擁有甜美相貌加36吋胸圍嘅佢，喺2017年拍攝呢輯相片時，只係為當地嘅榴槤品牌做代言，雖然以訛傳訛令佢變成賣榴槤嘅索女，但仍無礙佢多年以嚟榴槤西施嘅形象。近年佢不但活躍泰國嘅模特兒界，仲轉戰殺入車模界添！
雖然唔少性學家表示，男士兵器長度只要唔係極端細嘅話，對女性能否獲得性高潮並無直接關係，但男人始終對兵器嘅長度相當介懷，因此坊間便出現各種以手術、服藥、用真空吸管等增長兵器嘅方法。有見及此，英國國民保健署（NHS）便提出3種自然增長兵器嘅方法。第一係修剪毛髮，等毛毛唔好遮住兵器，令人睇起嚟會變得更長；第二係減走肚腩，因為大大個肚腩會令兵器睇起嚟變得短小；第三係做運動Keep Fit，不但令身形變得有魅力，同時能改善性生活。方法雖然老土，但其實好少官方機構會提出關於改善兵器長度嘅建議，都算係具有參考性嘅。
撰文：魂