絕大多數男人都鍾意巨乳，若然有個巨乳女友又係咪件好事呢？呢位男網民訴苦話：「我同女友拍拖一年，當初我追佢，係因為佢性格好，當然仲有嗰對36E巨乳深深吸引住我啦！但係拍拖之後，卻發現女友個胸太大真係唔係好事，佢好鍾意着低胸同貼身衫，又鍾意孭斜孭袋，每次出街啲男人總係𥄫住佢心口，尤其係當我哋食茶記時，畀啲麻甩佬望住晒。我試過叫佢唔好着緊身衫，佢就話唔鍾意着鬆身衫喎，真係唔知點算呀！」
風頭躉：大佬呀，你係咪喺度晒命呀！我都想要個巨乳女友呀，可惜我條女心口平過熨衫板，我都好想試吓手臂畀對車頭燈夾實嘅滋味呀！
豪華板間房：我唔覺得你有幾可憐喎，有個身材咁正嘅女友，你仲想點呀！一係咁，你飛咗佢囉！
想食凍豆花：你呢種人真係唔抵幫囉，女友冇巨乳嘅話，你又話冇身材，有嘅話又嫌麻煩，你應該為你女友嘅36E而感到自豪！
呢次我喺度：如果你女友冇人𥄫嘅話，佢索極都有限。你又想畀人知有個索女友，又唔想畀人𥄫，真係唔知乜嘢心態。