老人家食鹽多過你食米，佢哋嘅意見當然具參考價值，講到揀女朋友，老竇嘅意見更具有重要性。不過呢位男網民就唔認同，佢話：「我有兩個相當要好嘅女性朋友，兩個都極有機會變成女友，但問題係一個性格好但貧乳，另一個則性格麻麻但胸大，目測有F Cup，於是我問老竇會點揀，佢二話不說叫我揀胸大嗰個，然後佢同我講：『你阿媽後生時性格都好好，所以我咪冇晒細個時候嘅幻想囉。』呢一刻，我突然好明白佢嘅心情。」
蜻蜓游水：我想問，你媽媽會唔會睇到你嘅貼文，如果畀佢知道嘅話，佢實會好嬲，同埋會話：「生舊叉燒好過生你！」
有奶不是娘：你老竇真係得意呀！又會畀個咁嘅意見你嘅。我老竇就唔會咁喇，佢話性格同身材都唔係問題，最重要係有冇教養同埋會唔會做家務。
Elisa_C：你哋咁衰，攞埋阿媽嚟玩。不過睇見你老竇嘅反應，同埋你分析嗰兩個女仔嘅說法，睇怕你哋兩父子都係一擔擔，都係睇心口做人。
將來可以嘅話：我諗你老竇以前都曾經遇到過同樣嘅問題，否則佢點會咁快畀到意見你。同埋見佢咁講，可能係暗示你揀女友又唔一定做老婆，揀個有心口嘅，費事將來後悔。