高杉杏無邪氣巨乳

天真甜美

小弟自從拍過幾次拖之後，就好怕識着啲成年冇耐又或者思想仲係好幼稚嘅妹妹仔，因為佢哋未定性又成日冇時停要尋求刺激，真係少啲體力都應付唔到呀！之不過，有天真又充滿活力嘅女仔陪伴喺身邊，的確成個人都年輕晒嘅，唔知大家見到高杉杏又有冇相同諗法呢？

今年20歲嘅高杉杏樣子稚氣未消，雖然唔算標致俏麗，但係嗰份天真同稚氣甚討人歡喜，特別惹人憐愛，仲有杏妹笑起上嚟甜美又無邪氣，令人頓覺如沐春風，煩惱完全盡消。當然杏妹豐滿而健美嘅身材同樣令人精神一振，胸前嘅巨乳堅挺又彈手，品質上乘！

氣勢如虹

高杉杏喺上年10月出道拍寫真，與同期出道嘅巨乳妹安位薰屬同一間事務所，所以兩人可謂情同姊妹，而佢哋兩個喺師姐朝比奈祐未嘅影響之下，亦對於發展寫真事業充滿憧憬及鬥心。

不過如果要比較高杉杏同安位薰兩個大波妹，相信唔少人同小弟一樣較為鍾意杏妹，因為佢喺寫真演出中顯得精神奕奕又好笑容，可能亦因為咁，首隻寫真映像作品於1月上市之後，已有出版商火速搵阿妹拍第二部作品《Andante》，預定於4月26日推出，而喺網購網站已經獲得理想嘅預購數目，更加一度成為日間預購排行榜冠軍添，認為氣勢如虹！

社交網站

簡介：高杉杏對於自己嘅青春胴體絕不吝惜，經常喺社交網上載性感寫真同大家分享，仲係高清添，阿妹真係為「淫」民着想啦！

網址：https://twitter.com/ ann_e2dive

高杉杏Profile

年齡：20歲

身高：5呎5吋

三圍：35-24-35

撰文：賢