壇蜜喺2009年參加電子遊戲《人中之龍4》嘅虛擬女公關選拔活動而為人熟悉，繼而以寫真女郎身份發展。雖然出道時已經28歲，但係氣質輕熟誘人，妖媚而帶高雅，加上身材玲瓏浮凸，配上挑逗性極強嘅演出風格，令人氣火速上升，後來更成功入屋，近年以演員身份活躍於藝能界。
最近壇蜜推出紀念出道10周年嘅寫真集《モナリザ-雫》，當中佢會穿着多款貼身又透視嘅性感服飾上陣，將弗到漏又火辣嘅胴體表露無遺，不得不佩服壇蜜唔需要以淫猥動作，單靠表情及簡單嘅肢體就足夠撩起大家嘅慾火，相信呢種正係壇蜜呢10年來醞釀出嚟嘅魅力喇！
書名：《モナリザ-雫》
售價：約HK$267
撰文：賢