早前有外國新聞報道，有位男士同女友完事後，發現女方將套套內嘅精華素偷偷倒落私處，所以話男士們要好好處理用完嘅套套。好似呢位男網友咁就發現女友事後喜歡收藏啲套套，令人十分驚嚇。佢話：「我同女友同居一年，一直以嚟我冇摷過佢嘅衣櫃，點知有日心血來潮，諗住幫佢執拾衣物，發覺衣櫃內收埋一個鐵盒，我打開嚟睇，發現裏面竟然藏有好多用過嘅套套，我好肯定啲套套係我嘅，因為當中有啲設計係相當特別。問題係，女友做乜收埋晒用過嘅套套呢？我覺得好核突囉！」
年薪過百：你真係肯定啲套套係你用嘅？你知啦，除非啲套上面有寫你個名，否則好難證明係你囉，不如你拎去做吓DNA檢查，睇吓係咪你嘅再講啦！
Wonderful：我先當啲套套係你嘅，而從呢個角度嚟睇，其實你女友咁做都冇乜特別啫！因為我覺得佢係好珍惜每次同你啪啪啪，先至會咁做囉！
日日唔着底：呢個情況又好難開口問你女友，不如你試吓下次啪啪啪完後，自己拎個套套去掉，睇吓佢有乜嘢反應再講。如果佢有反應，即係啲套係你嘅，可以追問佢點解咁做；若然冇反應嘅話，咁就好明顯佢背住你偷食啦！
唔鍾意食飯：係咪因為啲套套嘅設計好有特色，所以佢先至好想收藏呢？不過收藏咁多用過嘅套套，會唔會有異味o架？
撰文：魂