混血妹玩冰火

一冷一熱兩種感覺可以話各走極端,有好多人就係鍾意享受一時冷又一時熱兩感交纏嘅快感,大家唔好心邪,我係話有人鍾意浸完熱辣辣嘅溫泉,然後拿拿聲跳入凍水池咋!最近日本寫真界新貴黑木光亦喺首本個人寫真集,為大家展現出冰火快感喇!

黑木光今年18歲,青春嫩口之餘,氣質亦獨特,因為佢係日本同菲律賓嘅混血兒。光妹出道時係舞台劇演員,由於氣質太吸引,有「神之美少女 」稱號,後來開始拍寫真展露驕人身段,令人氣更上一層樓。

今次光妹會去兩個地方拍攝寫真集,先去到熱情嘅泰國享受陽光與海灘,之後就去到北海道演出,喺冰天雪地下換上泳裝上陣,不畏寒冷,仲玩得不知幾咁開心,呢種勇氣值得敬佩同欣賞呀!

書名:《現在地→卒業》

售價:約HK$176

撰文:賢