香港人好多都係生於香港，活於香港，但係日本人就唔同，特別係日本藝人好多時都會離鄉別井去到藝能發展集中地東京搵食，所以對於家鄉嘅事物有好多未了解。最近年過三十卻依然咁可愛又好身材嘅寫真美人兒磯山沙也加，就應茨城縣觀光電視節目《たくみにまなぶ》嘅邀請，返到家鄉茨城嘅古河市作一番新體驗喇！當中沙也加除咗去到茨城縣最大嘅道路休息站「まくらがの里こが」，品嘗利用當地新鮮野菜炮製而成嘅特色天丼以及麵包飯，亦去到古河市嘅篆刻美術館嘗試雕刻印章嘅樂趣，旅程中有飲有食又有得玩，沙也加同電視主持都顯得相當開心愉快。如果大家想睇當日嘅拍攝花絮可以去沙也加嘅Twitter欣賞。