唔講唔知，原來今年係情趣震動玩具誕生150周年喇！而喺1996年出現至今嘅德國情趣玩具品牌Fun Factory，近日喺官網講解震動玩具發展史，原來全球第一件震動玩具係喺1869由Dr. George Taylor發明，體積非常巨大，由蒸氣驅動，到19世紀後期，電動震動器喺醫學界急速發展，震棒開始出現，但當時唔係為咗情趣而產生，直至1966年第一款無線震動器出現，男女先正式開始喺閨房使用。
雖然以上都同Fun Factory冇乜關係，但若然大家有留意嘅話，便會發現佢係當今少數堅持非強國生產，堅持喺德國Bremen自設廠房嘅品牌，而多年來佢亦堅持創新，好似其中一個Stronic系列係當年全球首款能前後伸縮嘅震動棒。咪以為幫佢賣廣告，查實細佬係想講，既然佢哋又喺社交網「抽水」慶祝，又喺官網話當年，其實最後咪又係叫人畀錢買，咁好心就搞個優惠折扣，咁先至大家Happy嘛！
撰文：祖