花蕾最後之旅

最近被稱為「永遠之蘿莉」嘅可愛AV女優花蕾進行咗一次最後之旅！吓？莫非今次輪到花蕾引退？非也，所講嘅最後之旅，係指花蕾同成人資訊網站Dxbeppin-R合作拍咗足足4年嘅旅遊節目《花蕾散步》拍到最後一集。喺最終回，花蕾同拍攝隊伍去到第一集出現過嘅上野，實行故地重遊，首個景點就係充滿歡樂又可以接觸好多動物嘅上野動物園。由於動物園人氣十足，所以就算當日係平日，花蕾都要排隊排半個鐘先可以入到場。不過排幾耐花蕾都覺得值得，因為入到去可以見到好多之前探望過嘅動物，包括鱷魚、巨型陸龜同熊貓。