如果各位男士發現另一半身材走晒樣，仲會唔會有性趣同對方啪啪啪呢？呢位女網友表示同男友啱啱拍拖時，身材相當苗條，後來身材變得愈嚟愈肥，令佢感到相當煩惱，佢話：「初初拍拖嘅時候，我哋每次見面都會啪啪啪，但係家陣上床次數卻愈嚟愈少，近三個月更係一次都冇。我厚住面皮問男友點解，佢話冇乜性慾，而佢經常話我愈嚟愈肥，身材走樣，其實我只不過肥咗20磅啫，影響真係咁大？唔通男友真係嫌我肥而唔同我做？」
網友回應：
流感戴口罩：其實你男友未必嫌你肥，而係因為佢有其他發洩嘅渠道！你真係咪諗多咗，反而應該留意佢有冇偷食至啱。
長野景點：咁嘅男人真係要唔過，咁膚淺，只係識得睇身材嚟做人，冇深度嘅男人要嚟都無謂，一於減肥再飛咗佢啦！
佬在何方：我覺得肥咗20磅都唔算好多啫，我從拍拖到家陣結婚4年，肥咗都唔止20磅啦，老公咪一樣每個星期同我行房，有時仲一晚兩次添！佢話我肥咗仲正喎！
三手準備：只有傻瓜先至相信男人係睇內在美，當你冇外在美時，男人已經唔再願意發掘你嘅內在美，明未？
撰文：魂